اذا كان الزعل مزحة

سمعتك قبل هالمره تقول : أن الزعل مرفوع

علامك كني أشوفك تحاول تبتعد عني !

وش الممنوع علمني ؟ مدامك تعشق الممنوع ؟!

تبيني أكتب جروحي على الصفحات ,, وأغني ~

تبيني أسكت لظلمك ؟ وأقول لغلطتك مسموع !

غريبه كأنك قبل شوي ما خيبت لي ظني !..

أنا اللي لافزع قلبك أصير في داخلي مفزوع ,,

وأنا اللي لا عنت رجلك كأني صرت متعني ^_*

وأنا اللي لو تبيني [ ماء ] أجيلك يالغلا [ ينبوع ]

عيونك لو تبي أحلف وأنا ظميان تسقيني ,,

تجافيني وتهجرني ’’ وأصبّر قلبي المفجوع ..

وأحاول أخفي الدمعه عليك !! ولو ضحك سني ~

واذا ذنبي جعلت أسمك على كف الحشا [ مطبوع ]

ذنوبي هي عيوبي..{ لو أتوب أكيد تشقيني

تحسب اني وأنا أجيلك من جذوع الشجر مقطوع !

أنا وان كنت ماتدري ’, ترى جذور الشجر مني..

واذا كان الزعل [ مزحه ] طلبتك قفل الموضوع ..

ترى بعض المزوح جروح بالخافق ( تكويني )

وأنا بصبر على ظلمك وأقول أن الزعل مرفوع !

ولكن أترك أفكاراّ تحاول تبعدك عني