ياصانع دموعك ترى اليوم انا غير

هذي النهايه لو تجيب الف تبرير
وفر كلامك ماله اليوم داعي
ماعاد انا اصدق كلام الأساطير
ومن غفوة احلامي انا صرت واعي
وتلاشت الحيره ولا احتاج تفسير
وزال الغموض اللي مسبب ضياعي

المسرحيه اللي دبرت تدبير
حانت نهايتها وعليك استماعي
يكفي خداع وبس كافي معاذير
حبك حرام ابذل عليه المساعي

من حب يعطي دون منه وتفكير
ودايم على خاطر حبيبه يراعي
وانا عطيتك طيب ماجاك تقصير
وان قلت ساعدني عطيتك ذراعي
وجزاي منك تجرح القلب وتصير
انت السبب في عبرتي والتياعي

الشكوى لله ...قربتنا المقادير
والاّ أنا ما جيت للحب ساعي
لكن ترى دنياي مازالت بخير
وعمر الزمن مازال فيه اتساعي

ياصانع دموعك ترى اليوم انا غير
ولا يمكن ارضى تستمر بخداعي
اللي انقرص ماظن يحتاج تذكير
حتى الحبل يُطري عليه الافاعي
ومادام بحرك صار موج وأعاصير
انا نويت اليوم اطوي شراعي
اعلان مني لك ومن دون تحذير
سلم على يمناي هذا وداعي,,,!!

هذا وادعي......

حلووووووووووووووة قوية والله كلاااام
تسلم القلم المميز هذا هو الشعر
تسلمى يامجموعة انسان ولا تحرمينى من قراءة كلاماتك

ايه يالبرنسيسه من وجع قلبي
كم كتبت دموعي وغرقتهم ...

فقير حظ وراس مالي ثيابي
وأبسط طموحاتي تهز أعمدتهم...

فاتح لهم قلبي وطيبي وبابي
وعيونهم قبل الحكي فاضحتهم...

حتى وأنا اتألم وأموت فعذابي
دمعات عيني بالحزن فرحتهم...