رسالة من حق القرية الى ابنة

رسالة أب من حق القرية إلى ابنه

أولا بالصنعاني

بسم الله الرحمن الرحيم
ولدي
السلام عليكم

أمورنا سابرة وما ننشد إلا عن أحوالكم..
أنا جالس أكتب لك هذه الرسالة وإذا ما وصلتش، نبيني وأنت أبي على سب أرسلها كرّة ثانية.

أنا بين أكتب لكِ دلا دلا ... أنا داري انك ما تقدرش تقرا فيساع
هذه الرسالة شارسلها مع أخوك حسين وهو ذاكاه مقعلل راقد. شادخزها في جيبه على ميد لا ينساش ... أنت داري بأخوك ينسى ما اصتبح ساع أمه. المهم احتياط إدخز يدك في جيبه اليمان وشلها
الدنيا عندنا نعمة الله، بس مابش مطر خيرات، الوعد الأول هزجت كرّتين، الكرّة الأولة جلس المطر يهزج يومين ولا وقف، والكرّة الثانية يجي ثلاث أيام.
مرسل لك زلابيا وكدم، ومشعبك من خالتك فاطمة، واما الكوت اللي تشتيه، قالوا الشحن عيكلف زلط خيرات، لأن الأزرار جورات قوي ... قمت بعدت الأزرار وطرحت أبتهن داخل جيوب الكوت
اشتي اقولك خبر، أخوك لقي عمل بعد ماتعب واتعبنا معه... وذلحين هو ذاكاه بياكلوا عنده الزغار والكبار والحالي والحامض، قال بيشتغل مباشر .

أُختك عاتقه واحمة ويعلم الله هو ولد أو بنت. يعني مدري أنت عتقع خال وإلا عم! .. وإذا وقع لنا ولد، عنسميه على إسمي... وعتقع هذه أول مرة واحد يسمي ابنه أبه.

مادريتش ما وقع بنا الوعد الأول؟ سرنا مع أخوك جابر دوره للأهجر حيت الشلال وحنبنا لك حنبة عند الله علمها. غلّق علينا باب السياره والدواير من داخل، ومسكين رجع لا باب شعوب يدي الدواير الاحتياط على سب يخرجنا من داخل السيارة. ما رجع الا وقد إحنا مخمودين ولولا ألطاف الباري، قد كنا عنطفح ...
والسلام ختام .... تعبت من الرسالة هذه ياأبني وماهي إلا كلمتين أما لو زد طولَت، مدري كيف كان عيوقع

أبوك الحاج عبدالله
ملاحظة: أمك بتدحس من أمس تشتي تعطر الرسالة بس ما نفعل ما ذكرنا إلا بعد ما ختمنا الظرف

ثانيا

بالتعزي

بسم الله الرحمن الرحيم

و ايبني انا افدى

السلام عليكم

علم خير وما الشجن الاعليكم..

أكتب لكِ أذي الرسالة، ولا ماوصلتلكش أنا افدأك قولي، من لج أرسلبه مخطر ثاني

أنا أكتب لكِ دلا دلا كما انا داري انكِ ما تعرفش تقرا فيساع فيساع

أذي الرسالة شاكدبه مع أخوك مرشد وهو الآن راقد وشاكشحه بجيبه منلج ما ينسيش وأنت تعرف أخوك نساي مثل امه المهم احتياط مد يدك لجيبه الأيمن وشله

الدنيا عندنا نعم الباري، بس الأمطار مافيش كثير، الأسبوع اللي جزع وقع مطر مخطرين، المخطر الأول جلس المطر يومين ولا وقف، والمخطر الثاني يجي ثلاث أيام.

مرسل لك فطير غرب وكدر، والسكر الاحمر المجلل من خالتك سعيدة ، واما الكوت اللي تشؤه نعم شيكلف كثير في الشحن ، لأن أزراره ثقال مره وقا قُمتُ بعدت الأزرار وطرحت أباين أبُوهيم داخل جيوب الكوت

اشا شاقولك حاجة أخوك حصل شغل بعد ماتعب حقالله... وذاحين ذكوه نعم ياكلو عنده الزغار والكبار والملاح والخياب شبع الناس أكل، وشغله يقولوا له مباشر .

أُختكِ كاتبه حامل و الله يعلم انه ابن انه بنت معناته يامعنى مانش داري انك شتكون خال واللى عمّ! .. وإذا رُزِقَنا بولد شنسموه على إسمي... وشيكون اذه أول مخطر انوه واحد يسمي ابنه بابا

مانتاش داري مو وقع لنا ثلُث رحنا مع أخوك هزاع نتمشي للضباب اين ماالغيل سكاب ووقعت لنا مشكلة لكنك داري سعمنيه .. بند السياره علينا والمفتاح داخل السيارة، ومسكين رجع لتعز يندي المفتاح الثاني.. من لج يخرجنا من داخل السيارة.. معا رجع اللى قانحنا مخمودين ولولا لطف الباري قاكنا كنه شنفطوس ....

والسلام ختام .... تعبت من الرسالة ذيه وابني وعاده اللى كلمتين كيف لوكانت طويل

أبوك الحنون عبده

ملاحظة: كانت امك تشا تعطر الرسالة بس للأسف مع ذكرناش الا بعد ما ظرفنا الرساله

هههههههههههههههههه حلوه الرساله
يسلمووووو

ديما كتب:: هههههههههههههههههه حلوه الرساله
يسلمووووو

يسلمو على مرورك الطيب
دمتى بخير