إبتسم انت في صنعاء )

( إبتسم انت في صنعاء )
.
* إذا سمعت صوت المزمار بداء يزمر والطبول تقرع وبداء الرقص وتجمعو العيال من داخل صنعاء الى اطرافها عشان يرقصو السامبا حتى وهم ما يعرفو العريس (انت في صنعاء )

* اذا حد مرض ولقيت كل الجيران متجمعين حوله بالفيمتو والفواكهة وشراب راني(انت في صنعاء )...
...
* اذا حد مات ولقيت الجيران يبكوا عليه اكثر من اهله (انت في صنعاء)

* اذا وقفت بمنطقة تسال اطرف جاهل او شاب عن بيت فلان ووداك بنفسه لا هناك (انت في صنعاء)

* بنشرت سيارتك أو وقفت,وحصلت أطرف واحد يجي يدهف كبير وإلا صغير ويقولوا دهفه دهفه(انت في صنعاء)

* إذا في عرس وجهال الحاره كامل مبدلين (انت في صنعاء)

* إذا اعلنت سفرك وكل المعاريف والجيران جابو لك مقاضي عشان توصلهم (انت في صنعاء)

* إدا احد جاء من سفر ونسوان الحارة معلقات في الشبابيك يتفرجوا عليه والرجال يسلموا عليه (انت في صنعاء)

* إذا معك مواد بناء او جالس تبني بيتكم ، وناديت صوت واحد وجو الكل يساعدوك (انت في صنعاء)

* إذا في واحد عرف اسم ام واحد وفي خمس دقايق انتشر الخبر ملان الحاره(انت في صنعاء)

* إذا معك زعقه ولا جعاله ولا شيبس ومشيت من الشارع وتقطعو عليك اصحابك وشلوه عليك كله (انت في صنعاء)

* لو اتكلمت بموضوع ورجعلك نفس الموضوع بعد يومين مع الحوايج والزيادات ومعصود عصيد (انت في صنعاء)

* إذا واحد دخل الحاره يغازل اي بنت من الحاره ، وشفتهم متجمعين عليه اللي يضرب واللي يدكم واللي يتجمل بملطام(انت في صنعاء)

* اذا طفت الكهرباء وسمعت الجهال بيصيحو اوووووه واذا ولعت الكهرباء سمعت الجهال يصيحو اووووووووه (انت في صنعاء)

* اذا قرحت الكره ، وشفت واحد يجمع من 20 والباقي على من قرحها ( انت في صنعاء)

* اذا واحد سبك وسمعت واحد ما تعرفه يقول لك يا مضربه يسبك وانت ساكت ، قوم اضربه وجالس يحرش بينكم (انت في صنعاء)

* اذا مشيت من شارع وسمعت الجهال يقولو لصاحبهم قرح ملطام واحنا عنفرح (انت في صنعاء)

* اذا قلت اشتي 20 سلف وكل واحد دخل يده بجيبه وماعاد خرجها <<افهم على نفسك (انت في صنعاء)

* اذا اجا رمضان وشفت حريق التواير (انت في صنعاء)

* اذا شفت مجموعتين يتصايحوا ويتشارطوا بينهم البين على البرشا والريال (انت في صنعاء)

الله عليك يا صنعاء ، ورب الكون اعشقك بجنون ، دام حبي لك ، ودامتي لـ كل من يحبك

ههههههههههههههههههههههههه

روعه ضحكتيني يا عبير الورد الله يسعدك

مشكوره يا الغلا على هذا التميز والموضوع الجميل

ودمتي با الف خير دائما

» صور مدينة صنعاء
» بماذا اصف صنعاء
» اذاعه صنعاء
» صنعاء القديمة
» طعام المعتصمين في ساحة التغيير.. مطبخ مركزي تدعمه مطابخ بيوت صنعاء