لنفترض سويا
أننا نريد أن نتصل لنبلغ عن حالة طارئة (سواء الإسعاف أو الشرطة أو
المطافئ او الكهرباء أو غيره) ..أو حتى لنفترض الخير.. و نقوول انك تشتي
تطلب وجبة طعام للبيت
بسبب ضيف مفاجئ
أو مرض أو سوء طقس ، كيف سيكون اتصالك
نأخذ عينة من أشخاص من مناطق مختلفة و لنسمح لأنفسنا بالتجسس
على مكالماتهم
نيويورك
المتصل : الو... 911 nadem07
911: يس نحن معك... ماهو بلاغك
المتصل: حالة اقتحام منزل من قبل مجرمين مسلحين
911: حدد موقعك
المتصل : 15 شارع مانهاتن منزل رقم 21
911: أهدا.. سنكون هناك خلال دقائق
لنـــــدن
المتصل: هالو.... الإسعاف nadem07
الإسعاف: نعم... أي خدمة
المتصل: الحقوني .. هيلب مي !! اشعر و كأني سوف أصاب بسكته
الإسعاف: حدد موقعك
المتصل : مايفير ... 12 شارع كوينز واي
الإسعاف : إهداأ سيصلك العون بسرعة
القاهـــرة
المتصل: الوووووو...nadem07. بيتزا هت
بتزا هت : نعم معك... أي خدمة
المتصل: ازيك يا باشا
بيتزا هت : اختصر يا بيه... اي خدمة
المتصل: بليز.. عاوزين 2 بيتزا سوبر سوبريم حجم كبير
بيتزا هت : عيوني يا استاذ انت تؤمر
المتصل: الله يخليك يا باشا
بيتزا هت: العنوان يا بيه
المتصل: المهندسين... 9 شارع لبنان
بيتزا هت: ثواني و يكون طلبك عندك يابيه
صنعاء
المتصل : الوnadem07... المطافي... غيروا علينا
الحقونا...ادركونا
المطافئ: مالك ياخي دلا دلا علينا.... ايش فيك
المتصل: نار نار... حريقة.. بيتنا يحرق
المطافئ: الله والمعلومة الجديدة .. حريقة .. احنا
داريين إن هي حريقه
المتصل : ياغارتاه ...بسرعة.. الحقونا... جهالي كلهم في البيت
المطافئ : لا تقلق .. تعرف ما هو سبب الحريق؟
المتصل : ما دراني.. بسرعة
المطافئ: طيب ادي لنا عنوانك
المتصل : أنا .. أنا... في الخط الدايري
المطافئ: اينه؟
المتصل: اسمع..... تعرف مستشفى "هذا من فضل ربي
المطافئ: وينو هذا ؟؟؟
المتصل: طيب ياخي تعرف سوبر ماركت "اطلب عتلقى؟" ؟
المطافئ: ماشي.... لحظة اسأل عليه
المطافئ بعد دقايق طويلة : ما شي .. ما احد يعرفها... ياخي
ادي لنا عنوان محل معروف
المتصل : كان تعرف شارع الشهيد مقصع ؟
المطافئ : منو مقصع هذا ؟
المتصل : أنا مثلك ماناش داري منوه لكن اعرف الشارع نفسه
المطافي:بس احنا ما نعرفهش
المتصل :ناهي تعرف سوق الطماطيس
المطافي: الشوارع كلها طماطيس.. ادي لنا عنوان محدد ياخي
الله يرضى عليك... يو والغثا
المتصل: كان تعرف سوق الزمرة
المطافى: حق القات العنسي؟
المتصل : ايوة
المطافئ: ايوه اعرفه .. اين بيتك من السوق؟
المتصل: وانت خاطي من الجسر.. امشي لوما توصل الاشارة
وبعدها اكسر يدك اليمنى وادخل من تحت الجسر وبعدا اكسر يدك اليسرى وارجع امشي
طوالي
المطافئ: وبعدا..نجزنا... كسروا راسك
المتصل: ناهي... لما توصل نهاية الجسرعد تبسر واحد مفرش
يبيع الفوانيس والاتاريك الصينية والولاعات ابو كشاف والشمع ابو ذبالتين
...اتركه
و امشي على طول.. عتجي من عند فندق "نوم الهنا" و بعده مطعم " الفحسة
الصحية ".. اتركهم و امشي طوالي....عيظهر لك شارع على اليمين.. اتركه.. و امشي
طواااااااااااالي.... و بعدا عتبسر محطة بنزين.. و بعدا مقر حزب " حمران
العيون" للزبج والقطقطة ... ادخل من هاناك...و اسال عن مسجد سعيد بن جبير
المطافئ: مسجد من؟
المتصل: ابن جبير
المطافئ: وابن جبير هذا هو صحابي ؟
المتصل: ماشي.. و انت ما دخلك يا اخي
المطافى: اسمع أوبه تغلط.. هيا مالك؟
المتصل: جني بزك.. خليني أتم أفهمك وأوصف لك العنوان
المطافئ: ناهي .. تم اوصف يا كامل الأوصاف
المتصل: لوما توصل للمسجد.. عتبسر بقالة مسعد الفاجري
ادخل الزقزقي اللي شقها..عتبسر ثلاث عمارات زرقا.. و بعدها عمارة بنيه
تحتها حارسي
شيبه لابس فنيلة حمرا مرسوم عليها صورة نانسي عجرم.... ابرد منه
المطافئ : صورة من ؟
المتصل: يا اخي قلت لك صورة نانسي عجرم في واحد ما يعرفش نانسي شي معك خبر؟
.. ياخي ركز معي الله يرضى عليك .. غيروا علينا ياخي
المطافئ: طيب واين هي بيتكم؟
المتصل: لين وصلنا ؟
المطافئ: عند الشيبه ابو فنيلة نانسي
المتصل: نور الله قلبك.... بعدها اعصر يمنه وارجع يسرة
عتلقى بيت يحرق...تيك هي بيتنا
المطافئ: اين هي من بيت يحي ملقاط و ناصر المعراد؟
المتصل: ايوه.. انت تعرفهم؟
المطافئ: الله المستعان كيف ما اعرفهمش.. كنا عيال حارة واحدة
ايام زماان في الفليحي... وزملاء دراسة ..رعاهم الله في مراعي الدجاج يحي
ملقاط و ناصر
المعراد كانوا اكبر اسماخ في الحارة ما
احد يسطى يتعرض لهم
المتصل: هاذولا هم جيراننا.. وبيوتهم شق بيتنا
المطافي: خلاص ابشر.. عد ابسر من به من الأفراد مناوب أرسلهم
لك
المتصل: كيف كيف كيف.. عتبسر من به ؟
المطافئ: أصلهم استأذنوا قبل ساعتين يخرجوا يتغدوا
ويشتروا لهم قات
المتصل: يهي يهي عادهم عيخزنو
المطافي بعد لحظات : من حسن حظك انهم قد رجعوا بس عادهم
عيسيروا يعبوا المواتر ماء .. اصلنا ما كناش متوقعين تحصل حريقة اليوم
المتصل : يا لطيف لطفك بينقول لك ... بيتي يحرق على رؤوس
جهالي.. خلاص ارسل لنا الإسعاف
المطافئ: كل هذي الولقة وانت تشتي إسعاف.. يا اخي.. هذي مطافي
اتصل على الاسعاف واطلب لك سيارة...مع السلامة.. الله يفتح عليك
المتصل بسرعة: الو الاسعاف
الاسعاف: نعم.. خير
المتصل : اشتي سيارات اسعاف.. البيت احترق بالجهال
الاسعاف: اديلنا عنوانك.. وين بيتك؟
المتصل : لا حول و لا قوة الا بالله
المتصل : تعرف بيت يحي ملقاط؟
الاسعاف: لا... منو هذا؟
المتصل: طيب تعرف بيت من في حارة الظبر؟
الاسعاف: اعرف بيت انسابي هاناك
المتصل : من هم
الاسعاف: بيت "فلان الفلاني
المتصل: غيرهم.. ما اعرفهمش
الاسعاف: عيب عليك.. عيال حارتك وما تعرفهمش... ناهي وين
انتم من بيت "علان العلاني
المتصل : نور الله قلبك..... انت اوصل لبيتهم.. و بيتنا وراهم
على طول.. عتبسر أثار الحريق و النيران والدخان طالع لا السماء
الاسعاف: طيب .. باذن الله عيكونوا عندك
المتصل: لحظة لو سمحت يا اخي
الاسعاف: نعم
المتصل: تعرف على اي رقم نتصل لو كانت عندنا حالات وفاة ؟؟؟
nadem11
لو طلبت منكم توصفوا لي بيتكم في سطر او سطرين... هل تقدر
توصفه بحيث اني ما اضيعه !؟؟ ولا على الاقل شي بتجلس تشرحه خمس دقايق بعد الاستعانه بخمس بقالات و 3 محلات اتصالات او فرزه وايتات او سوق قات؟؟؟؟
الثلاثاء نوفمبر 02, 2010 4:12 pm
