علمني كيف انساك ووعدّك بنساك

علمني كيف انساك ووعدّك بنساك
علمني كيف الشوق اعطيه ظهري
علمني كيف اذبل كما ورد .. ذكراك
واهذي على اطلالك وموال هجري
علمني كيف ارّوى وانا حيل اضماك
واحفرّ لعشقك قبر ما بين صدري
واحرق شراع الوصل في شط مرساك
وافطم حنيني في دموعه و قهري
بقلع عيوني لو تبي دام رؤياك
حرّمتها واحرق من الشعر شِعري
كان الجنون اخر دروبي بلقياك
واخر محطاتي واحلام عمري
ما شفت مثلك في القسا آه ما قساك
الظلم بعروقك مع الدم يجري
والشك في كاسه مع الوهم اسقاك
وانا شربت الكاس من مُر ّ صبري
ما زلت احبك واعشقك حيل واهواك
لليوم طيفك يمتزج بين حبري
دام النقا من وجّنة الشمس اهداك
دام القمر سمّاك في الناس قُمري
دام الوفا في بُردته يوم اعطاك
شِق ّ الحنايا وافتح الموت عَبري
كلي أنا يا حلو الاوصاف نفداك
مهما تسوي لك أهازيج شكري
دام الحشا يا هاجري صار مرعاك
ما همني لو تفرشه شوك جمري
خذني يمينك او تخذني بيسراك
العذر خالك والقسا صار صهري
سجني بنيته من قَصيّك لأقصاك
واليوم حبك وينه بس مدري
هذا أنا في صوب سهمك ومرماك
صَوّب وربي ببتسم لك بثغري
مسموح سوي ما تبي دام فرقاك
شَلّت بنعشي والتوت حول خصري
بقول موتي يالظنا حيل يهناك
لكن امانه ضمني قبل تسري
ودّع عيوني قبل ترحل بممشاك
واكتب حروفي فوق جدران قبري
خلي وداعي مثلما الفجر يغشاك
دامي عريس العشق فالموت مهري

حلو ياملاكى كلمات جميلة

ياهلا زهرة الربيع وبرنسيسه منورة الصفحه
اسعدني مروركن

» علمني كبريائي بان اتعلم كل لغات الصمت حتى يصبح كلامي اجمل واغلى