ازيكم يا حبايبي..
الحمد لله التورتة النهاردة مش اي اي ولا زي زي ... زي تورت الافراح
ظبطها تمام بعد تجارب كتيرة اوي وبكل التفاصيل ان شاء الله نبتدي ونسمي الله ..
مكونات الكيكة:
5 بيض - 2 كوب دقيق - نص كوب كاكاو خام - 1 كوب زبدة - 1 ونص كوب سكر
1 كوب لبن - فانيليا - اباكو بيكنج باودر - نص كيس كيك شيف - 1 معلقة خل
الطريقة:
نضرب السكر والزبدة كويس وبعدين نضيف البيض والخل والفانيليا ونضرب..
ننخل المكونات الجافة ونضيفها للخليط مع اللبن بالتدريج..
ندهن صينية بالزبدة ونبطنها بالدقيق ونصب خليط الكيك وعلى فرن حامي ..
نختبرها بعد 45 دقيقة ولما تجهز نطلعها ونسيبها تبرد
تجهيزات التزين:
اولا صوص الشيكولاتة اللي حنعمل بي الكريم شانتية ونزيين بي
المكونات:
نحط اللبن على النار مع معلقة زبدة لحد ما يغلي ونطفي و بعدين نضيف الشيكولاتة المقطعة
ونحرك لحد ما يدوب ونحطو في التلاجة.
ثانيا: كريمة الزبدة:
2 كوب زبدة طرية - 1 ونص كوب سكر بودرة - فنجان ماء - 2 فنجان نسكويك
الطريقة:
ندوب النسكويك على النار مع الميه
نضرب الزبدة كويس مع السكر وبعدين نضيف الصوص وهو بارد
ونضرب كويس كويس بالشكل دا..
ثالثا: الكريم شانتة
المكونات: 3 باكو شانتية دريم - صوص الكادبوري اللي عملنا فوق - 200 ملي لبن
الطريقة: نحط تلتين الصوص الاولاني مع اللبن والكريم شانتية ونضرب لحد ما يتماسكو..
دلوقتي تكون الكيكة بردت ونبدا التزيين..
نقسم التورتة على تلاتة ونحشيها بكريمة الزبدة اللزيزة..
بعدين نغطيها بالكريم شانتية كويس زي كدة..
بكيس الحلواني نزين بكريمة الزبدة زي كده..
وبعدين نصب الصوص وهو اهم حاجة والله.
ونبدا تزيين الجناب بالشكل دا..
الإثنين يناير 31, 2011 4:18 am
