ودي اموت اليوم واعيش باكر
واشوف منهو بعد موتي فقدني
ومنهو حملني لين ذيك المقابر
واشكر انا كل من كرمني ودفني
وبشوف يرثيني انا كم شاعر
ومنهو تركني وماكتب شي عني
شخص تعنى لي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ما ذكرني
منهو من اهلي كان في العزاء حاضر
منهو دعالي في صلاته ورحمني
ومنهو بنى باسمي سبيل ومنابر
ومنهو يفز قلبه اذا من لمحني
ومنهو عشاني طول الايام ساهر
ومنهو ثلاث ايام راح وتركني
ومنهو يرتب غرفتي والدفاتر
وان شاف صوره لي صاح وحضني
يلله عسى ماتخفى كل المشاعر
يلله عسى ماينصدم يوم ظني
خايف يروح العمر واكون خاسر
وان طار طيري مايفيد التمني
خايف يجيني وقت اكسر خواطر
ان دارت الدنيا وزماني كسرني
ومادام هالدنيا صارت مظاهر
كلا على كيفه وجوه يغني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني امر
مسكين فرحي تصدق انه وحشني
شاعر ولكني ماني بشاعر
ودي اموت اليوم وارتاح مني
روووووووووعه الانشووووووووده والكلمات اروووووووووع يسلمو عزيزتي